Soluzzjoni fil-ħajja?

Hekk kif nintasab waħdi

miġbura miegħi nnifsi

nitfa’ għajnejja jħarsu fil-vojt

għal tfittxija ta’ soluzzjoni

Soluzzjoni? Ta’ xiex?

Tat-tgerfix li toffri l-ħajja?

Ta’ kemm tħabbtek

għal xejn b’xejn?

Il-ħajja misteru –

Fejn ser tieħdok qatt ma tkun taf..

Mal-kurrenti tipprova tkaxkrek

U fuq kollox tipprova tfakkrek

Ġenn. Tgerfix. Slaleb.

It-termini u l-kundizzjonijiet

tal-ħajja.

TMIEM