Il-qalb li tnixxi

Ma ninsa qatt

il-jum mistenni minnek

fejn int ġejt ħdejja

ferħan se ttir

biex taqsam aħbarek miegħi.

U jien tbissimt,

kif inhu xieraq

waqt li bla ma naf kif

ħassejt id-dmugħ invisibbli

jċarcar għal nofs sidri

tant li laħaq it-tiċrita

li għamiltli int stess

int u xxerred l-eċċitament.

It-tiċrita tal-bieraħ

hija ġerħa kbira u fonda

li nġorrha miegħi kuljum

qisha xi premju konsolazzjoni

għal dak kollu li nixtieq

imma li qatt ma jista’ jkolli.

U hekk kif inkun waħdi

biex insib il-kenn

lil hinn mill-ġenn u s-saram tad-dinja

ninżel għal irkoppti nitlob quddiem Alla

u nistaqsih għaliex.

Għaliex?

Għaliex Mulej?

Moħħi wisq ċkejken biex jifhem

xi pjan mistur għandek għalija.

U allura nqum

Kull filgħodu

Bit-tama li l-ferita

xi darba tfiq

u tieqaf tnixxi demm karg

miġmugħ bl-uġigħ