Twelidt f'Awwissu tal-1989 u trabbejt ir-Rabat, Malta. 

Żżewiġt fl-2017 u mort noqgħod l-Imġarr.

Residenta Mġarrija u f’Mejju tal-2019 ikkontestajt bħala kandidata għall-Kunsill Lokali tal-Imġarr.

Ġejt eletta għall-ewwel darba u parti mid-dekasteri tiegħi huma: Tfal u żgħażagħ, Oqsma Soċjali u Edukazzjoni. Kollha huma temi għal qalbi ħafna.  

Li kieku nista' nivjaġġa madwar l-Ewropa.

Il-lingwi inħobbhom tassew u barra l-Malti, inħobb ukoll il-lingwa Taljana, Franċiża u Spanjola. 

Niġġennen hekk kif nara it-tfal! 

Waħda mix-xewqat tiegħi hija li nippubblika ktieb bil-Malti.... (Min jaf, forsi għad tasal din il-ġurnata?) 

Inħobb noħloq xi kartolini, nikteb il-poeżiji u anke rakkonti qosra. 

Il-familja hija importanti u n-nanniet narahom bħala l-aktar punt ta' referiment essenzjali għalija. 

Inħobb il-kumpanija, nidħaq u niltaqa' ma' nies ġodda u differenti.