Għalik , Frans

Sejjaħtlek,

Aktar minn darba

Ċaqlaqtek, missejtek

U qbadtlek idejk

Imma ħinek int kien wasal

Biex tmur tiltaqa’ ħdejn il-Mulej.

Riedek qrib tiegħu

Mhux aktar magħna

U minn ruħek ma ħalla xejn

Baqa’ biss il-ġisem kiesaħ

Idejk ponn, magħluqa t-tnejn.

Tbati b’ġismek ma flaħtx aktar

Serħan ridt minn kull inkwiet

Għajnejk int għalaqt għal kollox

Flaħħar, fl-aħħar, qalbek ċediet.

Taf kemm ibnek kien iħobbok

F’mumenti iebsa kien iħares lejk

Inti tiegħu kont minn kollox

Kont għalih l-aqwa mexxej.

Issa għad-dinja għadda kollox

In-nies jgħodduk mal-mejtin

Imma għalina tibqa’ f’qalbna

Raġel twajjeb u ħanin.