il-ħajja sfumatura

Jiġri x’jiġri mal-madwar,

kollox jiddependi mill-perspettiva

ta’ min jirċievi l-aħbar.

Kull individwu jassorbi

bil-mod partikolari tiegħu

dak kollu li jiġri

u jseħħ quddiem għajnejh.

Jaslu wkoll mumenti

Fejn il-bniedem jilmaħ rifless -

Ir-rifless tiegħu stess

fil-mera li jkollu quddiemu

Il-ħajja tippreżenta s-sitwazzjoni

u int ma tafx għadekx li kont

Il-mera jkollok aptit taqsam,

tant li taraha f’elf biċċa

li juru wkoll elf sfumatura

tal-karattru astratt tagħna.

Fl-aħħar taqa’ l-għejja

Tirkeb l-apatija,

u jinqata’

bilmod

in-nifs ta’ kuljum.

Tistaqsi, tara, tiġri, tħuf

sabiex forsi ssib ir-ruħ

dik li tlift għal għonq it-triq...

Tmiem