Ispir-azzjoni (Poeżija)

Elf ħsieb għadda minn moħħi

kull wieħed iħabbat u jċekċek

bħal qasba tixxejjer mal-iċken żiffa,

’ma meta ċ-ċans jaħrablek minn idek

il-ħsieb jibqa’ hemm, wieqaf

mingħajr ma jiġi esplorat.

U hekk kif issib minuta,

fejn tintasab xi ftit għall-kwiet,

dak il-ħsieb jerġa’ jiġi jfittxek

biex il-ġenb żgur li ma ttihx.

F’għodwa bħall-oħrajn,

min hu bħali jqum iebes,

għaliex jaf li l-pinna jkun taha l-ġenb,

jibda jbati hu u jaħseb

biex jesprimi dak li jixtieq.

L-ispirazzjoni, f’minuta,

jew tiġik jew tabbandunak

xi mumenti għalxejn titlobha,

tħallik tibki qalb l-imrar.

Sakemm l-ispirazzjoni,

terġa’ tingrana wkoll xi ftit

l-aptit għall-kitba jibqa’ jikber

jgħaddi l-ħin u tibqa’ trid.

Tmiem