Tentazzjoni... (Poeżija)

Taqbida:

bejnek u l-ispirtu tiegħek,

ġlieda bla heda,

sarar kontinwu

biex tagħmel dak li trid

imma li taf li mhux suppost.

Taqbida....

Għax il-platt ippreżentat lilek

huwa tentazzjoni prima klassi

il-kilba lejh kapaċi tregħxek,

kapaċi tħawdek,

kapaċi ttelfek kull tip ta’ kontroll,

kapaċi tweqqgħek għal-livell tagħha.

Kos, il-Kristjani għandhom ir-Randan,

imma m’hemmx għalfejn temmen

biex tħoss il-bżonn li tkeċċi x-Xitan.

L-ispirtu jrid

imma l-ġisem dgħajef,

hekk jgħid San Pawl

u ġieli bla nafu,

nispiċċaw skjavi ta’ xi mingħul...

Sadanittant tkun għaddejjha

l-gwerra bierda ġewwa fik,

jiġru ħafna affarijiet f’daqqa

u li tegħleb kull fixkla

ma tantx ikollok aptit.

Ten-ta-azzjoni:

Illużjoni?

Konfużjoni?

Spekulazzjoni?

Immaġinazzjoni?

Jew ċans biex tikber

biex issir aħjar milli int?