Ġewwa l-vażett (poeżija)

Kien ilu żmien josserva,

jimtela’ bil-mod, il-mod

ħsiebu jixrob kulma jara

u b’ċertu xeni jibda jirtgħod.

Tant ilu dejjem waħdu

li għalih normali jkun iżolat.

Ġewwa vażett ħassu ngħalaq,

bniedem serju u emarġinat.

Imwarrab għax differenti,

mistkerrah għax mhux bħal kulħadd,

għax moħħu mhux normali

suritu bħal ta’ sfrattat.

Imma dan l-imsejken raġel,

spiċċa tħawwad u mhux ftit

għax moħħu l-ħin kollu jtektek

bla heda ma’ ħafna tidwir.

Għalxejn jibla’ kemm jibla’

l-pirmli m’għamlux effett

u għalissa ser ikollu jibqa’

maqful fl-imbierek vażett.

TMIEM