Lura lejn l-iskola

It-Tnejn wara l-Indipendenza,

l-iskola tiftaħ il-bibien

it-tfal jinġabru kollha,

jiltaqgħu lkoll flimkien.

Xi wħud ferħana se jtiru

oħrajn b’geddumhom sal-art

Min jifraħ u min ikanta

Min qisu ra xi fatat.

Bis-sewwa jew bid-dnewwa

Jsibu xi ftit l-aptit

Fuq kollox huwa xogħolhom

Li l-istudenti jaħdmu ftit

Ir-riħa tfuħ tal-kotba

l-għalliema kollha stirati

il-bankijiet il-ġodda mħejja

lesti biex jiġu inawgurati.

Issa x-xalar jonqos ħafna

kulħadd ikollu joqgħod attent

imma xorta jkun hemm min jitraskura,

din hi ħaġa tal-iskantament.

Fis-sena skolastika l-ġdida,

nispera li tkunu ferħanin

ingħaqdu ħaġa waħda

u qatt tkunu miġġildin!

TMIEM