Talba lill-Mulej

Issa li f'soddti qiegħed miġbur

hawn fil-ħemda, fl-aqwa skiet

nixtieq naqsam ħsiebi miegħek

bħall-ulied mal-missirijiet.

Mulej, ismgħani tikka

anke jekk INTI kollox taf,

jiena miegħek irrid nitkellem

għax b'għajnejja ma narax.

Veru li jiġu mumenti

li jiena lejk inkun ingrat

imma nitolbok biex INT taħfirli

għax jien uman xi ftit żbaljat.

Xi kultant baħri tal-bnazzi

u fis-sewwa ma nistmakx,

nieħu kollox hekk kif jiġi

u bilkemm nikkalkulak.

Imma jien illejla irrid nersaq

ħdejn l-Imgħallem l-aqwa u prim

Int is-sid tal-ħlejjaq kollha,

lest għalina waqt kull ħin.

U allura grazzi rrid ngħidlek

ta' kull ma għoġbok issellifni

talli nieqes qatt ma ħallejtni

u fit-tajjar dejjem żammejtni.

Għandi l-aqwa ġenituri

u ħajti mimlija kuluri.

Tajtni wkoll l-intelliġenza

u armajtni bi ftit paċenzja.

Jien irrid li nadurak

O' Mexxej tassew ħanin

Żomm ħarstek dejjem fuqi

għax f'idejk inħalli ruħi.

TMIEM