M'aħna xejn!

Il-miġja tagħna hawn fid-dinja,

hija biss vjaġġ temporanju,

nistħajluna xi allat qawwija,

b' enerġija u saħħa barranija.

Il-verita' mhix daqshekk sempliċi

Ir-realta' differenti tabilħaqq.

L-ebda poter m'għandna aħna

ħajjitna hija biss frazzjoni

minn tul enormi tal-eternita'.

Xewqa konxja li għandu l-bniedem

hija li jibqa' immortali,

li ma jmutx maż-żminijiet ;

li jekk tal-inqas ma jibqax ġismu,

jdumu ħajja t-tifkiriet!

Imma aħna, ħbieb,

nerġa' ngħid u nirribatti,

illi ser nitilqu lkoll minn hawn.

Aħna biss partiċella żgħira

li tiċċaqlaq dlonk mar-riħ.

Aħna traċċa ta' bebbuxu,

li jħalli warajh kif jimxi fis-skiet!

Tmiem