Is-seħer tal-gawwi (Poeżija)

Nitgħaxxaq inħares lejn il-gawwi

li jofroq is-sema ikħal nir

idur dawra sew mal-kosta

ħdejn is-swar tal-bliet Maltin.

Lewnu abjad u tarah jispikka

hekk kif jaqsam b'qawwa s-sema fi tnejn

jgħaddi jgħaġġel qisu vleġġa,

l-arja friska tagħtih il-ħeġġa.

Xi ġmiel hekk kif għaddej tilmħu,

filli fl-għoli u filli fil-baxx!

Il-vjaġġ li huwa jagħmel

jagħżlu tajjeb u minn rgħajh,

għandu hu l-kontroll ta' kollox

xħin jiftaħ u jagħlaq ġwinħajh...

Gawwi ħieles iħuf madwarek

tqisu bħal re f'renju f'sabiħ,

tiġġenen int u tħarislu

u bħal tħossok tgħir għalih!

Huwa xempju tal-ħolm tagħna

għaliex waħdu jista' jtir

m'għandux bżonn il-makkinarju,

lilu tah kollox il-Bambin.

Imma dan l-imsejken gawwi

jibqa' ħieles sakemm iħalluh,

għax jekk jgħaddi wieħed b'arma

mela allura daqshekk ingawduh!